Depois dum longo período de inactividade no web (arredor dum ano e meio, aproximadamente), voltamos para tentar activar os contidos e movimentos gerais deste Sítio de novo.

Neste tempo moitas cousas mudárom. Mudou o mundo em geral, mais tamém a Arquitectura em particular. Mudou a Galiza, e mudou a sua sociedade por via dum caminho deica nengures, prejudicial para todos e todas. Nunca se viu que umha sociedade rejeitasse a igualdade, a liberdade para qualquer de nós, e nom apenas para umhas minorias que decidírom escolher e impor um suposto direito à ignorância, e todo isso dende a própria base. Nunca se jogou de maneira tam irresponsável coa educaçom. Nem co património. Nem co futuro.

Por isso é tempo de trabalhar em oferecer o nosso pequeno grão de areia para tentarmos reverter esse caminho errado cara ao abismo que decidiu moita gente, for por preguiça, desconhecimento ou quem sabe por que desconhecidas razões, mais que compre ponher em valor. A única maneira de decidirmos em liberdade é conhecermos todas as opções, todas as realidades e nom apenas as que nos imponhem, mesmo agachados trás dum decorado de espelho no que se reflecte a verba 'liberdade', mais só como umha miragem, umha realidade invertida ao modo que fam os espelhos.

E tamém na Arquitectura.

Materialmente e no presente podemos falar dum novo desenho, mais tamém da recuperaçom e conservaçom do velho sítio. Do futuro? Aos poucos iremos fazendo caminho, mais caminhando por vieiros próprios e nom polos que nos marquem os demais, que é como deve fazer-se... Seguramente haverá pontos nos que coincidirmos (mália que moita gente se empenhe em eliminá-los ao preço que seja) mais se nom for assi nom imos ficar parados por isso, há terra, há matéria, há passado e, aguardemos, haverá futuro.