A Fundación Antonio Fraguas - asociada ó Museo do Pobo Galego - leva cinco anos convocando o  Proxecto Didáctico Antonio Fraguas, sendo esta, a 6º convocatoria.
 
O Proxecto Didáctico, pretende incentivar a investigación realizada desde o ámbito escolar nos campos da Historia, Arte, Antropoloxía, Etnografía, Xeografía, Arqueoloxía... da Galiza.  Hai dúas modalidades: Ensino Primario e Ensino Secundario, dotadas cada unha delas, cun premio de 10.000 euros. Este premio é pró desenvolvemento, durante o curso 2008-09, do proxecto de investigación  presentado a concurso.
 
Os proxectos de investigación pra desenvolver o vindeiro curso deberán estar en maos da Fundación antes do 30 de abril de 2008 (as bases poñen o 15 pero vaise prorrogar o prazo de presentación).

 
Pódese obter máis información do Antonio Fraguas na páxina web do Museo do Pobo - www.museodopobo.com - ou chamando ó Departamento de Educación e Acción Cultural  ó teléfono  981583620.

 

A Asociación Cultural e Pedagóxica Ponte... nas ondas! en colaboración co equipo do Proxectoterra do COAG convoca a XIV Xornada de Radio Interescolar que se desenvolverá o día 6 de xuño do 2008.

 

Na liña do traballo sobre o Patrimonio Cultural Galego-Portugués que Ponte... nas ondas! ven desenvolvendo dende fai anos, nesta edición preténdese abordar unha reflexión sobre a identidade e o territorio. Pra iso, contarase coa colaboración do ProxectoTerra do Colexio de Arquitectos da Galiza que está a facer un importante labor niste ámbito dende fai tempo.

 

 

O Consello da Xunta do 20 de decembro de 2007 aprobou as Normas do Hábitat Galego que marcan as calidades mínimas coas que se deben construir as novas vivendas. No web do COAG pódese consultar a reseña da información ós medios de comunicación e o texto aprobado da norma, aínda non publicado no DOGA. Será de aplicación ós tres meses da sua publicación estimada pra primeiros do vindeiro ano.

 

A editorial verlibros editou un novo libro de Arquitectura artellado ó redor de conversas co arquitecto Álvaro Siza. Nil, Manel Somoza e Siza repasan proxectos concretos e falan verbo do seu xeito de facer Arquitectura.

 

Ademais das diversas  reflexiós que veñen ó caso, o libro inclúe diversos debuxos de Siza que axudan a defini-las citadas conversas do xeito habitual do arquitecto.

 

O libro será apresentado o vindeiro sábado día 10 de novembro, na libraría Couceiro de Santiago de Compostela, ás 13:30 h., contando coa presenza do autor e do propio Álvaro Siza.