Despois dunha tempada como adoita ser habitual sen mover demasiado o contido das páxinas, sumóuse outra xeira de traballo paseniño cun pulo final que levou a mudar por completo o aspecto da nosa web (ainda que xa é máis vosa, pois sodes os destinatarios principais do traballo). Vanse trasladar tódolos contidos (a maioría xa o están) das antigas páxinas e a partires desa base seguiremos engadido novos traballos e propostas procurando ser un pouco máis prácticos nos nosos obxetivos pero sen esquecer tampouco a teoría que é a que pon os alicerces.

Se queredes, e a xeito de facer historia podedes visita-la antiga web cos seus contidos (que non serán xa actualizados pois suporía dobre traballo con tempo único e polo tanto unha maior lentitude ou paro forzoso).

Unha vez máis como veño facendo dende o principio da publicación destas páxinas solicito a vosa colaboración na medida do que poidades: se só podedes facer unhas visitas de cando en vez ben está, pero se tides material interesante pró noso ramo podería estar ben compartilo con todos, especialmente aquil que falla como o material na nosa lingua (modelos de pregos de condiciós, fichas, exemplos de memorias, apuntes de asignaturas da carreira, etc.) que doadamente poderedes atopar noutros idiomas pero non en galego. Entre tod@s podemos facer un esforzo e normalizar o que debería ser, vala a redundancia, normal e habitual.

Grazas e agardo que disfrutedes da vosa estanza polos currunchos diste sitio. Lembrade que asemade podedes deixa-la vosa opinión votando sobre o interese de cada artigo ou contido mediante o uso da pequena enquisa de valoración d@s usuari@s que atoparedes na cabeceira de cada un diles.

XACB