A idea de crear unha web de Arquitectura galega xurdiu alá polo ano 1997, cando isto da Internet era algo estrano e case "unha cousa do demo" (hai que ver como mudan as ideas, os conceptos, e sobor de todo a xente...) froito dunha inquietude persoal polo mundo galego xunto co interese pola Arquitectura procurando dalgún xeito concilia-las dúas realidades. De feito o ánimo "investigador" podía máis que o descoñecemento xeral da cuestión e das teorías e na busca de publicar as miñas conclusiós ou contribuciós dun xeito asequible atopei a posibilidade de ofrece-lo meu traballo a través da Rede, primeiro en pequenos resumos que tiñan que ser enviados por correo-e ó webmaster da miña primeira páxina pra que os publicara e logo pouco a pouco ampliando a "casa virtual", ata chegar á situación actual na que o
Sitio da Arquitectura Galega na Rede leva xa anos funcionando e ofrecendo os seus contidos (
aiquí podes ver unha mostra da evolución da web ata chegar a hoxe).
Teño o costume de falar en plurar dos artífices destas páxinas pero a realidade é que hai un só (o que escribe e suscribe) e salvo colaboraciós puntuais (detalladas en cada intre no que se produciron) todo o deseño, busca de material, estudos, etc. lévanse a cabo por unha sola persoa, polo que a actualización e movemento non son precisamente habituais pola falla de tempo que todos timos e por suposto eu tamén. Por iso non podo (a pesares de que algunha vez pensei facelo) convertir estas páxinas nun portal dinámico de novas e actualidade arquitectónica (de feito hai outras webs que sí teñen a capacidade de facelo e tampouco o fan e que tod@s timos en mente), de modo que queda a solución de facer un punto de encontro de estudos, investigaciós e recursos encol da Arquitectura galega que é o que pretende ser iste sitio (polo menos de momento).
Por elo, o que atoparás é iso, contido estático, e as novas que se ofrezan non pretenden ser "última hora" senón cousas de interese pra tod@s, ainda que tamén timos (teño) espazo pra comunicaciós, anuncios, etc. no adro (os foros de mensaxes onde poderedes facer esas comunicaciós ou discutir de calquer tema, e ós que podedes acceder premendo na ligazón correspondente do menú).
Polo de agora, logo, o obxetivo é ofrecer recursos (o arquivo cos diversos artigos e materiais, o dicionario, etc.) e funcionar como punto de encontro. No futuro? Quen sabe... (lembrade que podedes contactar comigo usando o formulario de correo-e dispoñible premendo na ligazón de contacto).
Que é ArquitecturaGalega.net? 
