O Concello de Ferrol organizou a celebración dunhas Xornadas de Debate baixo do título “VIVE A MAGDALENA”, a celebrar os vindeiros días 20 e 21 de xuño, no que se pretende informar e debater verbo do planeamento urbanístico da cidade, logo da recente aprobación definitiva do Plan Especial de Protección e Rehabilitación do Barrio da Magdalena.

Trátase non só de presentar o plan urbanístico no contexto das políticas de recuperación e rehabilitación dos conxuntos históricos galegos e españois, tamén de impulsar nun marco axeitado a candidatura do conxunto territorial formado polos Arsenais, Estaleiros, o propio Barrio da Magdalena e as Defensas e Castelos da ría de Ferrol como Patrimonio Mundial diante da UNESCO.

Están convocados como relatores das Xornadas un destacado conxunto de profesores, urbanistas e xestores. Será ocasión para valorar e reforzar os lazos de relación histórica e cultural entre diversas cidades históricas Patrimonio Mundial, como Évora, Santiago de Cuba e Santiago de Compostela. Tamén será oportuno relacionar a defensa e protección dos patrimonios arquitectónicos coa problemática máis ampla de recuperación funcional dos centros urbáns.

Prof. arquitecto Juan Luís Dalda. Director Académico dás Xornadas.

Xornadas Vive a Magdalena
www.viveamagdalena.org